Arsenio Pereira da Silva aprovadu nu’udar Diretór Ezekutivu FONGTIL.

Dili. Membru Konsellu FONGTIL deside ona katak, Sr. Arsenio Pereira da Silva mak pasa no aprovadu nudar Diretór Ezekutivu FONGTIL ba periodu Agostu 2012 – Jullu 2015 hodi troka Diretora tuan Dinorah Granadeiro.

Prezidente Interinu Board FONGTIL Mouzinho Nunes hateten, Membru Konsellu FONGTIL iha loron 1 Agostu 2012 simu tiha ona rezultadu panel úniku ida ba rekrutamentu ba vaga diretór ezekutivu FONGTIL.

Tuir Mouzinho Nunes, bazeia ba eskór husi ezame eskrita, intervista no mós panel aberta ho kandidatu sira hatudu katak Arsenio Pereira da Silva mak hetan valór kualifikadu liu, nune’e aprovadu no priense vaga Diretor Ezekutivu FONGTIL ba period 2012 – 2015.

Aprovasaun ba Diretór Ezekutivu FONGTIL ne’e legaliza ho karta ida ne’ebé fó sai husi Board FONGTIL ho númeru: 91/F-ONG/VIII/2012 kona-ba rezultadu rekrutamentu ba Vaga Diretór Ezekutivu FONGTIL.

Membru Konsellu hamutuk ho panel rekrutamentu liu husi karta ne’e mos hato’o obrigadu ba kandidatu sira seluk ne’ebé kompete iha prosesu ne’e tomak maibe la pasa, no hato’o apresiasaun boot ba kandidatu sira hodi nune’e prosesu tomak bele lao ho transparente.(Ato)

One Comment

  • Hi! I know this is kinda off topic but I was wondering which blog platform are you using for this site? I’m getting sick and tired of WordPress because I’ve had issues with hackers and I’m looking at alternatives for another platform. I would be awesome if you could point me in the direction of a good platform.

Leave a Reply

Your email address will not be published.

WordPress spam blocked by CleanTalk.