Fundasaun Mahein konsidera PNTL halo jestaun ne’ebé sala ba kilat.

Dili. Fundasaun Mahein liu husi Konferensia Imprensa ne’ebé hala’o Segunda-feira ne’e iha Balide – Dili konsidera  PNTL seidauk maneja kilat ho diak, no husi ne’e dala ruma polisia tenke responsabiliza ba hahalok uza sala kilat ne’ebé hamate sidadaun sivil sira. Tuir lolos insidente uza sala kilat bele hadia, maibe realidade kazu uza sala kilat iha Timor Leste kontinua aas.

Deklarasaun ne’e hato’o husi Diretor Fundasaun Mahein Nelson Belo relasiona ho kilat PNTL nian ida tan ne’ebé lakon semana kotuk hodi hamosu preokupasaun ba públiku.

Liu husi konferensia imprensa ne’e mós Fundasaun Mahein lamenta ho intensaun governu atu sosa tan kilat ba PNTL, tanba tuir Fundasaun Mahein durante ne’e la iha ameasa boot ba estabilidade Timor Leste ne’ebé tenki atua ho kilat boot. Fundasaun Mahein mós ezije atu informa ba públiku bainhira governu iha intensaun atu sosa kilat husi liur no tenki liu husi tenderizasaun no laos single source nune’e bele sai transparente ba ema hotu.

Leave a Reply

Your email address will not be published.

WordPress spam blocked by CleanTalk.