Japaun Fornese Fundu Asistensia Ba ONG Lokal 4 Ho Montante $460,000 ba Projetu Rural

DILI- Governu Japaun tulun fundus ba projetu area rural ho montante orsamentu $460,000 ba projetu konstruksaun irigasaun no kanalizasaun bee-moos iha fatin haat liu husi organizaaun naun govermenamental (ONG) local haat.

Atu implementa liu husi fundu asistensia Japaun ba programa siguransa Umana iha Area Rural ne’e, Kinta (14/03), iha Embaixada Japaun halo serimonia asina kontrantu entre Embaixador Japaun ba Timor Leste Yoshitaka Hanada ho director ONG lokal sira ne’e hetan fiar lori halo’o projetu refere.

Projetu kanal irigasaun uha suku kasa, sub distrito no distrito Ainaro ba ONG joventude esperansa ba future (JEF) ho montante orsamentu $122,951, konstruksaun irigasaun iha suku Meligo sub distrito Kailako distritu Bobonaru ne’ebe se implementa husi ONG haburas moris ho montante orsamentu $122,534.

Projetu instalasaun fornesimentu sistema bee-moos iha suku Dato-Foho distritu Liquisa ba ONG Aplimantec foundation ho montante $115,395, projetu instalasaun bee-moos iha suku Batara, sub distritu Laklubar, distritu Manatuto ne’ebe se implementa husi ONG Sentru Uniaun Nasional Tekniku Dezenvolvementu Timor Leste (CUNTDTL) ho montante $108,528.

Ho implementasaun projetu refere Governu Japaun nian objektivu atu fo asistensia ba ONG sira no mos ba autoridade lokal atu atinji nesesidade publiku dezenvolvementuiha area oi-oin ho maneira ne’ebe lais no fleksibel.

Horikedas tinan 2007, Governu Japones fo tulun ba dezenvolvementu area rural liu husi projetu 30maka implementa ona iha distritu, fornese sistema bee-moos, kanal irigasaun, konstrusaun no rehabilitasaun ba uma eskola no seluk ne’ebe ba komunidade sira persiza.

Diretora Haburas Moris, Rini Pinto espera katak nia parte bele servisu hamutuk ho parte governu ninian liu-liu iha Ministeriu Agrikultura no Peskas, hamutuk ho autoridade lokal atu nune’e bele implementa projetu irigasaun bee ninian ho diak.

Projetu ne’ebe nia parte atu implementa sei kobre area 375 hektares ba benefisiariu 2.262 ho distansia metru 1200, ho durasaun fulan 10.

Entretantu Tuir Chelco Amado reprezentante husi Sekretariu Estadu Aguia no Urbanizasaun, hateten katak liu husi apoiu ne’ebe maka Governu Japaun bele hakmaan ona servisu iha area rural sira liu-liu ba kanal bee moos ninian.

Hoi da ne’e bele hakmaan ona ami nia servisu no ita nia populasaun sira tanba ita iha limitasaun ne’ebe ita labele kobre hotu iha distrito sira hotu, entaun ho ajuda ne’e bele hakmaan ona diresaun ne’ebe maka hau asumi ne’ebe ba komunidade hotu,” hateten Chelco Amado ba BT.

Durante ne’e governu iha mos limitasaun ba rekursu umanu no parte tekniku ninian ne’ebe kada distritu iha deit funsionariu hitu ka walu ne’ebe la konsege kobre ba area rural no mos suku sira.

Iha serimonia asina dokumentus ne’e akompana mos Administrador sira husi Distrito Liquisa, Manatuto, no Ainaro.

(Lino)

Leave a Reply

Your email address will not be published.

WordPress spam blocked by CleanTalk.