Marilia Alves Re – Eleitu Ba Diretora FOKUPERS

Marilia da Silva Alves, ofisialmente hetan tan oportunidade no konfiansa bo’ot hodi re – eleitu sai Diretora organizasaun Non Govermentál (ONG) FOKUPERS ba periode 2017- 2019.

Hafoin re-eleitu sai diretora ba periodu foun ne’e, Marilia sente haksolok tebes tamba bele hetan oportunidade ne’e, babain ema dehan oportunidade ne’ebe mai hanesan osan mean.

‘’ Ha’u rasik haksolok, tanba bele hetan oportunidade no hetan konfiasa ba periode tuir tan mai, ha’u dehan ba ha’u nia kolega sira katak ha’u kala ferik deit ona iha FOKUPERS, tanba bainhira ha’u sai voluntáriu hahú husi idade tinan rua nolu (20) maibe agora ha’u tolu nolu resin ne’en (36) ona, konta Marilia da Silva Alves, hafoin simu tomada de posse iha salaun FOKUPERS Farol Dili, Segunda (16/1).

Marilia esplika, bazeia ba avaliasaun external FOKUPERS nian durante nia mandate iha tinan kotuk, konsege hatudu rezultadu di’ak no buat barak maka la’o ho susesu maske hasoru dezafius oi-oin, no buat ne’ebe maka persija atu hadi’a no hametin liu tan maka iha area advokasia.

Tanba ne’e espera katak, ho oportunidade no konfiansa ba periode no konfiansa ba periode 2017- 2019 ne’e, Marilia sei halo esforsu di’ak liu tan h hamutuk ho memebru konaba oinsá bele hadi’a no hametin liu tan area advokásia refere.

Alende konaba vizaun no misaun ne’ebe maka sai ona trajetu ba FOKUPERS durante tinan lima tuir Marilia, maka oinsa sei halo esforsu tomak ba feto hotu iha timor leste nune’e bele moris dame iha ida-idak nia uma laran, iha komunidade no iha nasaun, no oinsa mos respeitu igualidade jeneru.

Nune’e, misaun bo’ot ida maka oinsa hapara violensia hahu husi nivél individual, uma laran to’o nivél instituisional liu husi movimento feto iha aspeitu hotu, ho servisu intregada nune’e feto ho mane iha konsensia, no iha komprensaun no kapasidade atu sai husi problema igualidade jeneru, ida ne’e maka mehi ida bo’ot tebes iha FOKUPERS durante tinan lima tuir mai.

‘’ Hau fiar katak ita hotu nia apoiu fo kontribuisaun ba FOKUPERS bele atinze vizaun ho misaun ne’ebe temi iha leten, agora dadaun ba oin FOKUPERS, servisu iha nivél tolu maka fo asisténsia ba vitima halo diskusaun ho vitima no halo advokásia ne’ebe foka liu ba analiza lei, ne’e servisu bo’ot haktuir Marilia.

Iha fatin hanesan Sekretáriu Estadu Muller Veneranda Lemos, fó parabens ba FOKUPERS tanba eziste ona tinan 20 iha timor leste, nomós fó parabens ba membru tomak FOKUPERS nian ne’ebe durante ne’e halo servisu ho di’ak.

‘’ Hau kontente tebes tanba bele iha relasaun ho FOKUPERS, tanba ne’e ba oin ha’u komprimisiu katak fo apoiu fundus ba FOKUPERS maske ho montante ki’ik, maibe ho ida ne’e hodi bele halo servisu ba vitima sira iha area ekonómia‘’Promete SEM ba FOKUPERS’’.

Partisipa iha Tomada de posse ne’e maka Sekretáriu Estadu Muller (SEM) Veneranda Lemos Joaquim Freitas husi Gabinete Primeiro Ministru Sosiedade Sivil MSS no ONG sira seluk hanesan FONGTIL, CAUCUS no seluk tan.

Leave a Reply

Your email address will not be published.

WordPress spam blocked by CleanTalk.