MNEC ho FONGTIL Asina MOU Apoio ba Sociedade civil

Vice Ministru MNEC Robertu Sarmentu Soares ho Director Ezekutivu Arsenio Pereira Asina Akordu ba forum Soseidade.

Governu liu husi MNEC kontinua halo kooperasaun ho sosiedade sivil hodi apoiu atividade sekretariadu ASEAN peoples Forum ne’ebe lokaliza iha FONGTIL.

Ministeiro dos Negócios Estrangeiros e Cooperação (MNEC) no Forum ONG Timor-Leste asina memorando de entedimento. Obejitivu husi asina akordu ne’e, atu governu liu husi MNEC apoiu atividade sosiedade sivil ligadu ho ASEAN.

Vice Ministru MNEC, Roberto Sarmento de Oliveira Soares bainhira hasoru malu ho representante sosiedade sivil iha edifisiu MNEC, hateten katak governu nafatin kontunua halo kooperasaun ne’ebe diak ho sosiedade sivil liga ho servisu ne’ebe mak estuda hakarak antiji.

“Governu iha mekanismu ne’ebe propoiu, ami hare akordu hirak ne’e ho koidadu tuir regras ne’ebe iha, hare artigu kada artigu, atu nune’e bele fo imajem diak ba publiku. Tanba governu nafatin iha komitmentu katak atu kontinua halo kooperasaun ne’ebe diak transparensia ho sosiedade sivil. Ho nune’e akordu ne’e tenke hare iha aspetu tolu mak hanesan aspetu politiku, administrative no legal”, esplika Robertu Soares. Liu husi sorumutu ne’ebe hala’o iha loron 27/03, Vice Ministru Robertu Soares husu ba sosiedade sivil hodi kontinua servisu hamutuk ho governu ho sucessu, hodi atinji objetivu ne’ebe durante ne’e estadu hakarak.

“Governu bele muda maibe politika externa kontinua ezisti ho politika ne’ebe durante lao ona”, esplika Robertu Soares. Vice MNEC mos hato’o katak organizasaun ASEAN fo parabens ba sosiedade sivil timor-leste, ne’ebe halao servisu ho diak no hetan susesu, liu-liu ba kesatun ASEAN nian, no direitus humanus.

Director Ezekutivu FONGTIL, Arsenio Pereira iha tempo hanesan hateten katak FONGTIL nu’udar organizasaun subrinha ba organizasaun sosiedade sivil no hanesan sekretariodu Forum sosiedade sivil ASEAN (APF), esforsu an nafatin hodi halao papel ho misaun hodi servisu hamutuk nafatin ho governu hodi tau interese tomak ba povu nia hakarak no komunidade iha ASEAN.

“Objetivu ida mak bele koalia konaba saida mak komunidade ASEAN hakarak atu atinji liu-liu povu timor-leste”,Tenik Arsenio Pereira. Chair ba sekretariadu APF timor-leste, Fernando Antonio da Costa liu husi enkontru refere mos esplika konaba atividade ne’ebe hala’o ona liu husi sekretariadu ASEAN People Forum (Forum sosiedade sivil). Fernando dehan katak, ho apoio MNEC nian sei hasae liu tan partisipasaun sosiedade sivil timor – leste nian iha nivel regional. Liu tan, sei halao mos aktividade sira ne’ebe buka hasae komprensaun komunidade nian konaba ASEAN.

Liu husi sekretariado forum sosiedade sivil entrega relatorio final APF nian ba MNEC. Fernando esplika katak, relatorio ne’e mak relatoriu dokumentasaun ne’ebe hatama atividade hotu-hotu ne’ebe akontese durante ASEAN people Forum iha timor-leste, iha 2015.

Orsamentu ne’ebe governu apoiu ba atividade Forum sosiedade sivil ne’e ho total $45.310.02 dolares amerikanu, tuir agenda ne’ebe planea ona liu husi regional steering committee katak Forum Sosiedade sivil tinan ida ne’e sei halao iha manila felipina.

Fontes :Medai “Tafara”

Leave a Reply

Your email address will not be published.

WordPress spam blocked by CleanTalk.