TEAM BUILDING AND REFLECTION PROCESS

Konsellu, Ezekutivu no Staff FONGTIL tomak realiza ona workshop ho tema TEAM BUILDING AND REFLECTION PROCESS durante loron rua hodi diskuti no buka solusaun ba sustentabilidade Forum ONG ne’e iha futuru.

Sorumutu ne’ebé hala’o iha Eis Seminariu Dare hahú husi loron 24 to’o 25 Juñu 2013 ne’e, ho objetivu fó oportunidade ba Ezkutivu, Staff tomak no Konsellu hodi hare fali no halo reflesaun ba kualidade individu inklui servisu ekipa, liu husi hanoin koletivu atu bele salva FONGTIL iha futuru.

Sorumutu ne’e mós sai hanesan oportunidade ba partisipante sira atu halo reflesaun ba situasaun jerál ne’ebé organizasaun hasoru, papel no responsabilidade staff sira. Liu husi sorumutu ne’e mós enkoraza ema hotu atu buka solusaun ba problema ne’ebé organizasaun agora dadaun hasoru.

Sorumutu ne’e partisipa husi maioria Staff FONGTIL (Membru Konsellu La Partisipa) ne’ebé kontinua hamrik metin atu lori FONGTIL ba oin liu husi servisu ida-idak nian no fó fiar tomak ba Diretór Ezekutivu atu ezekuta desizaun ne’ebé Konsellu hato’o ona iha loron 21 Juñu 2013 liu husi Enkontru ida iha Salaun Enkontru iha Caicoli –Dili.

Leave a Reply

Your email address will not be published.

WordPress spam blocked by CleanTalk.